Djali 11-vjeçar Murhaf Hamid ka qenë në fokus të publikut suedez ditët e fundit. Përkatësisht, Hamid, i cili ka lindur në Suedi nga prindër etiopianë (ai ka gati12 vjet që pret azil), theu rekordin e shitjes së stemave të luleve në fushatën tradicionale vjetore për shoqatën bamirëse për fëmijë Majblomman.
Çdo vit, fëmijët shesin stema lulesh për shoqatën e lartpërmendur, me qëllim të mbledhjes së fondeve për familjet e varfra në Suedi. Fëmijët zakonisht mbledhin rreth 1,300 korona (190 dollarë) duke shitur distinktivët e luleve, por Murhaf ka siguruar një shumë të pabesueshme 400,000 dollarë deri më tani.
Murhaf tha se në ditën e parë të mbledhjes së fondeve, disa persona e kërcënuan duke e detyruar të dilte nga rruga. Historia e tij u fut në Facebook dhe pasoi një debat i nxehtë midis ekstremistëve suedezë, kryesisht anëtarë të forcave politike të krahut të djathtë, dhe pjesës tjetër të publikut suedez, i cili e mbështeti me gjithë zemër Murhafin.
Udhëheqësit politikë, duke përfshirë kryeministrin suedez Ulf Kristersson, që atëherë kanë mbështetur Murhaf-in në mediat sociale dhe kanë blerë distinktivë prej tij. Kryeministri Kristersson tha se nuk kishte asnjë mënyrë tjetër për t’i përshkruar përpjekjet e Murhaf-it përveçse “heroike”. /tesheshi.com/
