Prindër muslimanë në Suedi, të cilëve u janë marrë fëmijët, protestuan në Goteborgut kundër institucionit të shërbimeve sociale në vend, raporton Anadolu Agency (AA).
Familjet që organizuan protesta para parlamentit suedez në kryeqytetin Stokholm më 7 shkurt u mblodhën në sheshin “Gustaf Adolf Torg”.
“Fëmijët na janë marrë padrejtësisht”, “Kthejini fëmijët tanë” dhe “Duam drejtësi për fëmijët tanë”, ishin disa nga parullat e tyre.
Në mbështetje, kryetari i një partie vendase, Mikail Yuksel, tha për AA se shumë familje të cilave u janë marrë fëmijët po përjetojnë një dramë të rëndë.
“Shpërndarjet në rrjetet sociale si ‘fëmijët u rrëmbyen nga familjet muslimane dhe u dhanë familjeve të krishtera’ janë dezinformata dhe nuk janë të vërteta. Arsyet për institucionet e kujdesit social për marrjen e fëmijëve nga familjet suedeze dhe emigrante nuk përputhen. Në praktikë shfaqen paragjykime të tmerrshme për familjet muslimane dhe emigrante. Nga ana tjetër, ka familje të krishtera që janë viktima dhe ne i ndjekim”, tha Yuksel.
Yuksel shtoi se Byroja Suedeze e Diskriminimit (DO) ka përgatitur një raport që tregon se familjet emigrante të cilëve u janë marrë fëmijët janë të diskriminuar.
Ministri për Integrimin dhe Emigracionin Anders Ygeman vuri në dukje se ata diskutuan çështjen e dialogut me OJQ-të muslimane.
“Postimet në rrjetet sociale kërcënojnë sistemin tonë. Kjo nuk eshte e vërtetë. Është e rëndësishme që ne të angazhohemi në një dialog aktiv me organizatat muslimane dhe shoqërinë civile për të kuptuar më mirë se si funksionojnë shërbimet sociale dhe misionet qeveritare”, tha Ygeman.
Nga ana tjetër, sipas lajmeve të radios shtetërore SR, komuna e Falkopingut ka bërë të ditur se ka shkëputur kontratën e biznesit të kompanisë që kujdeset për fëmijët e marrë nga familjet.
Në një deklaratë nga Inspektorati Suedez i Shëndetësisë dhe Mirëqenies thuhet se ishte vërtetuar se në këtë zonë ishin dhunuar fëmijët dhe se lejet e punës së kompanisë ishin hequr për shkak të abuzimit seksual. /tesheshi.com/
