Rasmus Paludan, një person diabolik, një i diskutueshëm mental, për më tepër udhëheqësi i ekstremit të djathtë të Danimarkës, dogji Kur’anin në prani të policisë në një vend publik në qytetin suedez të Linkoping-ut. Është një akt që ai e pësërit vazhdimisht.
I shoqëruar nga policia, Paludan erdhi në një zonë publike në një vendbanim ku jetojnë muslimanët dhe më pas i vuri flakën Kur’anit me çakmak.
Një grup prej rreth 200 banorësh u mblodhën në shesh dhe iu përgjigjën ngjarjes, duke kërkuar ndërhyrjen e policisë.
Pasi policia nuk pranoi të ndërhynte, ka pasur trazira dhe grupi i mbledhur ka bllokuar qarkullimin dhe ka hedhur gurë në drejtim të policisë.
Mikail Yuksel, kreu i një partie emigrante, tha se racisti dhe antiislamisti Paludan vazhdoi provokimet e tij për djegien e Kur’anit të Shenjtë në qytete të ndryshme të Suedisë, nën shoqërimin intensiv të policisë.
Yuksel tha se Paludan i lejohej të zgjidhte lagjet e banuara nga muslimanët dhe afër xhamive.
“Në Suedi, e cila është e zëshme në mbrojtjen e të drejtave të njeriut, lirisë së fesë dhe ndërgjegjes, Kur’ani po digjet në vende publike në lagjet muslimane nën mbrojtjen e policisë. Policia po u bën thirrje muslimanëve që të shikojnë me qetësi djegien e librit të tyre të shenjtë. Unë nuk e kuptoj se si është e mundur kjo,” pyeti Yuksel.
Është publikuar edhe një video e këtij akti skandaloz. /tesheshi.com/
