733 persona u shtruan në spitalet në provincën Sistan-Baluchistan të Iranit me ankesa të ndryshme të shkaktuara nga stuhia e rërës në Iranin juglindor.
Kreu i shërbimeve të urgjencës Sistan-Baluchistan, Majid Muhibbi, i tha agjencisë IRNA se ata ishin shtruar në spital në tre ditët e fundit në qytetet Zabul, Zehek, Hamun, Hirmend dhe Nimruz në veri të Sistan-Baluchistan.
Ai tha se 58 persona janë ende në spital për trajtim.
Shefi i Institutit Meteorologjik në atë provincë iraniane, Muhsin Haydari, tha se për shkak të rritjes së sasisë së pluhurit në ajër, padukshmëria është e konsiderueshme, sidomos në Zabul dhe Zehek.
Zyra e guvernatorit të Sistan-Baluchistanit njoftoi se institucionet shtetërore dhe bankat në qytetet Zabul, Zehek, Hamun, Hirmend dhe Nimruz janë mbyllur sot për shkak të stuhive të rërës. /tesheshi.com/
