Një pavëmendje gazetareske nuk e ka kapur deri më tani faktin interesant të politikës shqiptare në raport me drejtësinë. Teksa SPAK ka një lloj diferencimi konspiraciondjellës në hetime e arrestime, duke mos guxuar ende t’u afrohet aferave apo njerëzve të Berishës, përfshi dhe këtë të fundit nominalisht, analisti Mero Baze vëren se është pikërisht Fredi Beleri që i përket Berishës, arrestuar nga SPAK nën akuzën e shitblerjes së votave.
Siç dihet, Beleri kandidoi në siglën e Berisha-Metajt, një akt i pastër tradhëtie kombëtare duke patur parasysh shkeljen e paktit politik të vitit 2000 mes PS e PD për të moskandiduar në Himarë asnjë personazh me axhendë filogreke.
Shkruan Baze në një editoral të fundit të tij:
“Personalisht do isha i lumtur që Beleri të mos arrestohej por të mundej me vota, siç mund të ndodhte realisht. Por drejtësia nuk është në dorën time qe e doja të lirë, as të të tjerëve që e duan Belerin të varur. Më shumë është në dorë të dhe nën ndikim të 27 vendeve të BE dhe Uashingtonit. Madje më shumë se sa Ramën, SPAK ka frikë Berishën. Derisa nuk ja bën as atij këtë nder që e ka kandidat të tij, d.m.th nuk është e lehtë. Madje Beleri është i vetmi njeri i Berishës i arrestuar nga SPAK deri tani”. /tesheshi.com/
