Stuhia dhe era e fortë ka shkaktuar një sërë defektesh në rrjetin energjitik. Sipas Operatorit të Shpërndarjes së Energjisë Elektrike problemet më të mëdha janë shfaqur në zonat malore, por më i prekur është rajoni i Shkodrës.
OSHEE njofton se rreth 1500 punonjës janë angazhuar në terren, në brigada avarie pune për eliminimin e të gjitha defekteve, ndërsa defektet janë shkaktuar sidomos nga erërat e forta. Grupet e avarisë po punojnë për riparimin e defekteve, të shfaqura kryesisht në degëzimet e fiderave.
Sipas OSHEE-së, rajonet pa energji elektrike janë Tirana, pjesërisht autostrada Tiranë-Vorë, Vorë-Fushë-Krujë, si dhe është stakuar për arsye mbingarkesë në linjën 35 kV Shkozet-Shijak, fideri Gërdec në nënstacionin e Vorës që mbulon zonën e Gërdecit.
Rajoni Elbasan: Seferan/Belsh, komuna Pishaj dhe Gramsh. Rajoni Korcë: Mbreshtan dhe Ersekë. Rajoni Burrel: Ish-Komuna Fan, Bardhaj, Shullaz. Rajoni Shkodër: Ishull Shëngjin, Kelmend dhe Dobrac. Rajoni Kukës: Lekbibaj dhe Golaj.
Ndërkohë, sa i takon fidrave që furnizojnë spitalet, apo objektet të pushtetit qendror, vendor dhe konsumatorë të rëndësisë të vecantë janë të gjithë në punë./tesheshi.com/
