Nëse mendoni se zënkat janë varri i një marrëdhënie, se janë fillimi i fundit dhe se e mbysin dashurinë, e keni gabim. Daniele Novara, pedagog në Qendrën Psikopedagogjike Për Edukimin dhe Drejtimin e konflikteve në Piacenza sygjeron të kundërtën.
Ai shpjegon se “një zënkë e mirë” është një formë komunikimi dhe hap dyert e dialogut, duke mundësuar gjithashtu që një çift të piqet. Ditët e sotme komunikimi është bërë shumë i rëndësishëm. Mjafton të shohim hapësirën që zënë mediat sociale në jetën tonë. Për këtë është e rëndësisme që një çift të mësojnë se si duhet debatuar:
Duhen eliminuar pengesat
Pengesat mund të jenë të ndryshme dhe duhet filluar që nga fëmijëria. Duhet folur me njëri-tjetrin për fëmijërinë, në mënyrë që të dimë se çfarë traumash kemi kaluar dhe kur njëri nga partnerët të reagojë keq ndaj diçkaje ta dijmë si të veprojmë (në rastet më të mira duhet kuptuar se po mundohet të “lajë hesapet” me traumat e fëmijërisë ndaj është mirë të heshtet).
Të dimë të tërhiqemi para se të hidhemi në sulm
Ashtu si në një maratonë ku para se të marrim hovin bëjmë tre hapa pas, edhe në një zënkë duhet të dijmë të tërhiqemi në fillim. Nëse duam të shtrojmë një problem apo të shprehim një shqetësim duhet të presim që të na bien nervat, të qetësohemi dhe pastaj të fillojmë diskutimin. Përndryshe nuk është më dialog por monolog.
Mjafton që njëri të jetë i gatshëm të rrespektojë rregullat e dialogut
Shumë çifte ankohen se përpiqen shumë për një komunikim korrekt, mirëpo partneri nuk është i predispozuar për të dëgjuar apo e çon situatën në ekstreme. Mjafton që njëri të jetë i vetëdijshëm për këtë, shumë shpejt dhe tjetri ka për të kthyer. /tesheshi.com/
