Shqipëria ka numrin më të lartë të ministrave, krahasuar me vendet të rajonit dhe shtetet anëtarë të Bashkimit Evropian.
Qeveria shqiptare ka kryeministrin, një zv/kryeministër dhe 19 ministra, duke bërë që Këshilli i Ministrave të përbëhet nga 21 anëtarë.
Në këtë numër nuk llogariten 23 zv/ministra që janë, po ashtu pjesë e qeverisë. Shqipëria, në krye të listës, ndiqet nga Kroacia e cila ka 20 anëtarë të qeverisë dhe me tej ndiqet nga disa vende të rajonit të cilët kanë të gjithë nga 19 anëtarë.
Lista mbyllet nga Holanda, Hungaria dhe Bosnja që kanë respektivisht 13, 12 dhe 10 anëtarë të këshillit të ministrave.
Në këtë hulumtim Britania e Madhe nuk është përfshirë, pasi ajo ka sistem unik krahasuar me vendet të tjera evropiane, duke qenë se në qeveri ka një përfaqësues të Skocisë, Irlandës së Veriut dhe Uellsit, si dhe përfaqësues deleguar të Mbretëreshës, të Dhomës se Ulët dhe të Dhomës se Lordëve.
Nëse këta nuk do të ishin, qeveria britanike do të kishte 15 anëtarë. /tesheshi.com/
