Të gjithë mundohemi dhe përpiqemi me çdo lloj mënyre për të mbajtur trupin në formë.
Shumë prej nesh madje përfundojnë duke ndjekur edhe dieta drastike vetëm për të mos shtuar në peshë. Por tani sipas disa ekspertëve nuk është më nevoja të lodhemi kaq shumë, pasi zgjidhja për të qenë më të shëndetshëm, për të shmangur sëmundjet dhe për të pasur një trup në formë, është të mos konsumojmë sheqer.
Përfundimi erdhi duke u bazuar në studimin e kryer me 43 fëmijë midis moshës 9 dhe 18 nga Universiteti i Kalifornisë në San Francisco. Shkencëtarët arritën të zbulonin se në vetëm 9 ditë pa konsumuar sheqer ata kishin një nivel kolesteroli dhe presioni gjaku më të favorshëm si dhe funksionim më të mirë të mëlçisë.
Ata gjithashtu u shprehën se sheqeri është shumë i dëmshëm për metabolizmin në organizmin tonë, jo vetëm për shkak të kalorive por për ndikimin negativ në funksionimin e tij./tesheshi.com/
