Një studim ka arritur në përfundimin se njerëzit që marrin pjesë në vepra arti apo artizanale ndjehen më të lumtur, më të qetë dhe më energjikë.
Aktivitetet e renditura nga studiuesit përfshijnë edhe të tjera si gatim, pjekje, pikturë, vizatim, skicim, dizajn dixhital dhe shkrime krijuese.
E përbashkëta e gjitha këtyre është se janë relaksuese dhe kreative.
Shumë prej aktiviteteve tradicionale të përmendura nga studiuesit janë të njohura për anëtaret e Institutit të Grave.
Janice Langley, kryetare e Federatës Kombëtare të Instituteve të Grave thotë se: “për anëtaret e Institutit të Grave, aktivitetet krijuese dhe veprat artizanale janë të njohura që nga takimi i parë i këtij Instituti në vitin 1915, kështu që është e ndjenjë e mirë kur dëgjon se ky studim ka gjetur prova se këto punë çojnë në rritjen e mirëqenies dhe të krijimtarisë.
Studimi u krye në Universitetin Otago, Zelandë të Re, ku nga 658 studentë u kërkua që të mbajnë ditarin e përvojave të tyre dhe gjendjet e tyre emocionale për 13 ditë me radhë.
Dr Tamlin Connor, autori kryesor i studimit, thotë: “Gjatë kërkimeve psikologjike është konstatuar se kreativiteti është i lidhur me funksionimin emocional të njeriut. Në përgjithësi, këto rezultate mbështesin konstatimin se krijimtaria e përditshme është një mjet për kultivimin e funksionimit pozitiv psikologjik.”
Studimi, i cili u botua në Journal of Positive Psychology, ka gjetur se studentët treguan më shumë entuziazëm – një term i shëndetit mendor që përshkruan lumturinë dhe kuptimin – në ditët e përcjella me aktivitete krijuese. /tesheshi.com/
