Gati 14 përqind e 3,000 testuarve në shtetin e New York-ut kanë antitrupa ndaj virusit koronar, tha guvernatori i shtetit Andreë Cuomo.
Rezultatet paraprake vijnë nga një studim i pranisë së antitrupave, pas testimeve të rastësishme të njerëzve në dyqanet e vetë-shërbimit, tha Cuomo.
“Kjo do të thotë se këta janë njerëz që janë infektuar dhe kanë zhvilluar antitrupa,” shpjegoi Cuomo.
Guvernatori tha që të dhënat mund të tregojnë një shkallë më të ulët të jetëhumbjeve sesa vlerësohet.
Për të vlerësuar numrin aktual të rasteve bazuar në to do të nënkuptohej se 2.7 milion njerëz ishin infektuar, raporton Hina.
“Nëse shikoni numrin aktual të jetëhumbjeve, i cili është 15.500, kjo do të ishte një normë jetëhumbjeje prej 0.5 përqind,” tha Cuomo, duke paralajmëruar se këto vlerësime bazohen në të dhënat paraprake.
Ai gjithashtu tha se numri i jetëhumbjeve mund të jetë “më i lartë” sepse aktualisht nuk përfshin ata që mund të kenë humbur jetën në shtëpitë e tyre.
Testimi i antitrupave do të zgjerohet në më shumë mostra, njoftoi Cuomo. /tesheshi.com/
