Cigarja elektronike, prej kohësh e konsideruar si një alternativë më e shëndetshme se cigaret klasike, është në gjendje të shkaktojë dëme domethënëse ndaj shëndetit.
Këtë e ka treguar një studim i publikuar në Kongresin e Tumorit në Mushkëri, i mbajtur në Vjenë. Sipas ekspertëve, cigarja elektronike është thjesht një mënyrë tjetër për ta shtuar varësinë e njerëzve.
Pirja e cigares elektronike ul me 25 për qind mundësinë për ta lënë cigaren. Një e dhënë kjo mjaft shqetësuese.
Por është përmbajtja e nikotinës ajo që i shkakton dëmet më të mëdha ndaj trupit tonë. Sasia e saj në gjak është e njëjtë si me cigaret klasike. Aq më tepër kur një duhanpirës i rregullt u shton cigareve normale edhe atë elektronike. Kjo e përkeqëson më tej gjendjen e shëndetit.
Sipas ekspertëve, sasia e nikotinës në gjak ul efikasitetin e kimioterapisë në rast të sëmundjes me tumor. /tesheshi.com/
