Ka ardhur një tjetër artikulim i qartë mbi rolin e pretenduar të Rusisë në referendumin maqedonas për emrin.
Është kreu i NATO-s, Jens Stoltenberg, ai që ka paralajmëruar se Moska po përpiqet për ta çuar drejt dështimit votimin për marrëveshjen me Greqinë për emrin.
“Moska, po tenton të pengojë hyrjen e Maqedonisë në NATO, ashtu siç beri me Malin e Zi ku pamë një përpjekje të dështuar për grusht shteti”, u shpreh kreu i Aleancës Atlantike, duke folur në Uashington. Sipas tij, janë të lloj-llojshme presionet dhe ndikimet e Rusisë në Maqedoni, referuar dhe shumë rasteve të tjera ku është provuar se përzihet në proceset politike të Aleancës dhe të vendeve anëtare të saj. /tesheshi.com/
