Rusia dhe Kina do të mbajnë këtë javë fazën e parë të stërvitjeve ushtarake të përbashkëta në Detin Baltik, kanë njoftuar autoritetet ruse, ndërsa Pekini ka dërguar shkatërruesit më të avancuar për këtë stërvitje, i cili do të përfshijë dhjetëra luftanije dhe avionë luftarakë.
“Objektivat kryesore janë rritja e efikasitetit në bashkëpunimin mes dy flotave në situatat e kërcënimeve në det, trajnimi i ekuipazhit të luftanijeve ruse dhe kineze, forcimi i miqësinë dhe i bashkëpunimit midis marinës ruse dhe forcave detare të Ushtrisë Çlirimtare të Popullit Kinez”, thuhet në deklaratën e Ministrisë ruse të Mbrojtjes.
Është planifikuar që forcat kineze të arrijnë në bazën në Kaliningrad më 21 korrik në një ceremoni mirëseardhjeje, ndërsa stërvitja pritet të zhvillohet në prej 24 deri 27 korrik.
Më herët, media kineze raportoi se Pekini ka angazhuar shkatërruesin Changsha, të dytin më të avancuar i cili është blerë dy vjet më parë.
Javën e kaluar, rrugës për në Detin Baltik, flota kineze ka kryer pesë manovra në Mesdhe.
Pas fazës së parë të manovrare në Balltik, marina kineze do të bashkohet me anijet ruse në Detin e Japonisë, ku do të mbahet faza e dytë e stërvitjes në shtator.
Flotat kineze dhe ruse bashkëpunojnë që nga viti 2012, dhe vitin e kaluar stërvitja e përbashkët u mbajt në Detin e Kinës Jugore, ku ka tension të madh për shkak të një mosmarrëveshje në lidhje me territorin midis vendeve. /tesheshi.com/
