Në nëntë muajt e parë të këtij viti, mesatarisht nëntë fëmijë vriten ose gjymtohen në Afganistan çdo ditë, sipas një raporti të KB.
Raporti i fundit i UNICEF, me titull “Mbajtja e shpresës në Afganistan: Mbrojtja e fëmijëve në konfliktin më vdekjeprurës në botë”, zbuloi se ka pasur një rritje prej 11% të viktimave fëmijë gjatë të njëjtës periudhë në 2018.
Për dallim nga vitet e mëparshme, kur fëmijët ishin ata që prekeshin më shumë nga bomba të hedhura nga aeroplanët amerikanë, vdekjet e fëmijëve në Afganistan gjatë vitit të kaluar kanë qenë “kryesisht për shkak të akteve kamikaze dhe përballjeve tokësore midis forcave pro-qeveritare dhe antiqeveritare”, raportojnë.
Raporti thoshte se midis 2009 dhe 2018, afro 6.500 fëmijë u vranë dhe rreth 15,000 sosh u plagosën në Afganistan.
Përveç luftës, jeta e fëmijëve rrezikohet dhe nga fatkeqësitë natyrore apo varfëria.
Raporti i KB shprehet më tej se 3.8 milion fëmijë kanë nevojë për ndihmë humanitare dhe 3.7 milion fëmijë nuk ndjekin shkollën.
Aty thuhet gjithashtu se 600,000 fëmijë nën 5 vjeç janë kequshqyer rëndë. /tesheshi.com/
