Stambolli ishte i pari në listën e qyteteve në botë vitin e kaluar për sa i përket kontributit të turizmit në prodhimin e brendshëm bruto (PBB).
Këshilli Botëror i Udhëtimit dhe Turizmit (WTTC) ka lëshuar të dhëna që tregojnë se në Stamboll, sektori i udhëtimeve dhe turizmit gjeneron drejtpërdrejt 15.7 përqind të PBB-së.
Stambolli pasohet nga Antalia, me 15.5 përqind, dhe Moska, me 13.7 përqind.
Udhëtimi dhe turizmi në 73 qytete përbënin drejtpërdrejt 4.4 përqind të PBB-së së tyre dhe 17 milion vende pune, ose 5.7 përqind të punësimit të përgjithshëm në ato qytete në vitin 2018.
Sipas WTTC, udhëtimi dhe turizmi përbëjnë 10.4 përqind të PBB-së botërore. /tesheshi.com/
