Sylvester Stallone dhe familja e tij ishin në Vatikan për të takuar Papa Françeskun. Kur Papa pa aktorin dhe yllin e filmit “Rocky”, nuk mungoi t’i referohej karrierës së yllit të Hollivudit.
“Faleminderit shumë që gjetët kohë nga dita juaj e ngarkuar. E vlerësojmë shumë”, i tha fillimisht Stallone pasi prezantoi gruan, vajzat dhe vëllain e tij, të cilët e shoqëruan atje.
“Nderi im”, u përgjigj Papa dhe më pas komentoi, “ne jemi rritur me filmat tuaj”. Më pas, duke buzëqeshur, Stallone mori një qëndrim “sulmues” me grushta dhe Papa reagoi ngjashëm. /tesheshi.com/
