Srebrenica, pas zgjedhjes së kryebashkiakut serb, Mladen Grujiçiç po rikthehet gjjithnjë e më shumë në një territor që synon të varrosë historinë e tmerrshme që tronditi ndërgjegjen e botës në vitet ‘90 të shekullit të shkuar, me genocidin e pashembullt që masakroi më shumë se 8 mijë boshnjakë muslimanë, përgjithësisht fëmijë, gra e të moshuar.
Tashmë kryebashkiaku i ri ka ndryshuar tabelat udhëzuese, duke zhdukur gjuhën boshnjake dhe vendosur diktaturën e cirilikes.
Ndërkaq, Ministria e Arsimit e Republika Srbska, territor i së cilës sipas Daytonit është edhe Srebrenica, ka ndaluar të gjithë tekstet shkollore që vijnë nga Federata e Bosnjë-Hercegovinës.
Lajmin e bën të ditur portali rus “Sputnik”, i cili citon kreun e këtij dikasteritë të thotë se “asnjë tekst që flet për rrethimin e Sarajevës apo genocidin e Srebrenicës nuk do të lejohet në territorin e kësaj repubike”.
Janë plot 22 shkolla ku mësojnë fëmijë boshnjakë, kryesisht në enklavën tashmë edhe politike të Srebrenicës, që nuk do të kenë të drejtë të mësojnë historinë për tragjedinë e rëndë që u ka ndodhur baballarëve, gjyshërve, nënave e gjysheve të tyre muslimanë.
Srebrenica, edhe pse ka qenë pjesë e Republika Srbska pas Daytonit, është qeverisur si një komunë autonome pasi drejtohej nga një kryebashkiak boshnjak. Por në zgjedhjet e një viti më parë, me anë të ndërhyrjes policore u fabrikua rezultati elektoral që solli qeverisjen nga serbët. Kjo ka ardhur edhe prej braktisjes së territorit nga boshnjakët që thuajse në masë kanë emigruar në Perëndim.
Në censusin e fundit, pra në vitin 2013, nga 13,409 banorë, shumica e tyre pra 8 mijë janë boshnjakë muslimanë dhe mbi 7 mijë serbë. Por për të parë tragjedinë e kësaj zone të martirizuar, mjafton të shikosh censusin e vitit 1991. Nga 36, 242 banorë, mbi 24 mijë kanë qenë boshnjakë muslimanë dhe 10 mijë serbë. Pra diferenca është 16 mijë, nga ku më shumë se gjysma janë shfarosur prej genocidit serb.
Kjo skemë e harresës së kujtesës po çon dalëngadalë drejt shuarjes së një popullsie që i tregoi botës dëshminë e holokaustit modern.
Por që kjo botë “e qytetëruar” po i lë të shuhen… /tesheshi.com/
