Në 25-vjetorin e gjenocidit të Srebrenicës, Sekretari i Jashtëm britanik Dominic Raab theksoi angazhimin e Londrës për të mbështetur procesin e pajtimit në të gjithë Ballkanin Perëndimor.
“Sot, 11 korrik, shënohet 25-vjetori i gjenocidit të Srebrenicës, krimi më i keq i kryer në Evropë që nga fundi i Luftës së Dytë Botërore. Më shumë se 8,000, kryesisht burra dhe djem muslimanë u vranë, dhe mbi 20,000 gra dhe fëmijë u dëbuan me forcë nga shtëpitë e tyre.
Mbretëria e Bashkuar u bën thirrje liderëve në rajon të realizojnë angazhimet që ata morën në Samitin në Londër në vitin 2018″, thuhet në një deklaratë të tij.
Ai tha se inkurajon të gjitha palët të hedhin poshtë gjuhën e urrejtjes dhe të ndalen së vlerësuari autorët e gjenocidit dhe krimeve të luftës.
“Gjatë punës sime në Hagë, nga 2003 deri në 2006 për veprimtaritë e persekutimit të atyre që janë përgjegjës për këtë kapitull të errët të historisë evropiane, hasa në kujtime të përditshme për mizoritëë e rënda të kryera ndaj të pafajshmëve.
Mbretëria e Bashkuar është e vendosur të përfundojë ndëshkimin dhe të ndihmojë në rindërtimin e vendeve të prekura – siç dëshmohet nga angazhimi ynë për Gjykatën Ndërkombëtare Penale”, tha Raab. /tesheshi.com/
