Kosova po feston 9-vjetorin e pavarësisë në një përpjekje të gjatë e kalvar për të mbijetuar si një shtet që u krijua nga gërmadhat e padrejtësisë dhe me mbështetjen e perëndimit.
Por me një Rusi të fuqishme situatat po bëhen edhe më të vështira jo vetëm për Kosovën por për të gjithë shqiptarët në rajon.
Gjigandi propagandistik rus Sputnik e përkujton 9-vjetorin e Kosovës me një speciale që titullohet: “Kosova, pacienti i vdekur”. Pikërisht në rreshtat e propaganddës ruse shikohetqëllimi i Moskës për ta ndaluar apo mbajtur të ngrirë shtetin më të ri në Europë, duke bërë të ditur troç se gjendja aktuale është një statukuo që çon drejt një lufte të re.
“Çdo gjë që shqiptarët çfarë ata besonin ka humbur. Tani kanë tendencë për gjetur një identitet të ri dhe të përqëndrohet në identitetin, jo më të vjetër se 15 vjet, për të gjetur shtetësinë e supozuar. Kosova nuk ka qenë kurrë më e varur se sa është sot”, thotë Zhivojin Rakoçeviç për Sputnik.
“Çka është Kosova sot?” pyet Sputnik dhe përgjigjen e kthen vet: “Një projekt i menaxhuar nga Perëndimi”
Zhivojin Rakoçeviç, një gazetar serb që jeton në jug të Kosovës, në Çagllavicë dhe drejton një radio të financuar nga ndërkombëtarët, thotë për Sputnik se “Kosova e pavarur është një projekt i dështuar i bashkësisë ndërkombëtare.
Viti i nëntë i së ashtuquajturës pavarësi në fakt shërben për t’i dhënë atij një lloj serumi. Kosova është pacienti për të cilët është e sigurt se ajo nuk do të mbijetojë, por ekziston mundësia që luftimet të shtyhen për një kohë të pacaktuar”.
Pra rusët paralajmërojnë një luftë të re për Kosovëën, e cila sipas gjasave nuk do të jetë totale por parciale në mënyrë që serbët të marrin veriun dhe të kërkojnë statusin aktual të pakicave për serbët e jugut dhe të perëndimit.
“Kosova sot, për sa i përket shqiptarëve, është një vend ku nuk ka punë, nuk ka të ardhme …Një vend ku shefat tribalë vendosin mbi jetën dhe vdekjen. Çdo gjë që shqiptarët besonin ishte një dështim. Tani kanë tendencë për të ngritur një ideologji që mbështet strukturën qeverisëse për të gjetur identitetin e saj të ri dhe se ky identitet nuk mund të jetë më i vjetër se 15 vjet për të gjetur shtetësinë e supozuar. Kosova nuk ka qenë kurrë më e varur se sa është sot, dhe me kalimin e kohës, ajo do të jetë më e varur, dhe ajo do të jetë më e vështirë”, tha Rakoçeviç.
Pra në mënyrë të qartë Rusia e mbështet kauzën e saj tek të ashtuquajturit mbrojtës të “kombit kosovar” që sipas tyre janë alibia për një dështim dhe ideje që nuk mbështetet në realitet.
Më pas Sputnik përmend paratë, një argument aq i dëshiruar nga administrate e re Trump.
Portali rus thekson se “Kosova mbetet një nga projektet më të shtrenjta të Perëndimit. Evropa është themeli i Kosovës së pavarur dhe investoi më shumë se 60 miliardë $ nga taksapaguesit e qytetarëve të tyre, ndërsa vetë SHBA ka ndarë 1.4 miliardë dollarë. Vetëm nga viti 2000 deri në vitin 2010, komuniteti ndërkombëtar në Kosovë ka investuar 40.7 miliardë dollarë dhe tashmë nuk investohet më”.
Më pas Sputnik e krahason Kosovës si një pjatë ku mungon asortimenti kryesor, mishi apo peshku, dhe se dialogu i nisur mes Beogradit dhe Prishtinës është një “frymëmarrje artificiale”.
Ndaj, duke e cilësuar si një projekt i vdekur, Moska bashkë me Beogradin po kërkojnë që të lindë një Kosovë e re nën rrënojat që ata imagjinojnë dhe punojnë të Kosovës së sotme.
Ata po përpiqen të sfidojnë SHBA-në e cila është më e përqendruar tek gjërat e brendshme dhe Bashkimin Europian në një krizë identiteti dhe me largimin e një anëtari të rëndësishëm siç është Britania e Madhe.
A do të ndodhë ky skenar rus?
Koha do ta tregojë, por Moska po punon fuqishëm dhe po investon shumë… /tesheshi.com/
