Portali i Kremlinit, Sputnik në një shkrim pas arrestimit të Marko Gjuriçit, drejtorit të Zyrës për Kosovën në qeverinë serbe, ka dekonspiruar emër për emër oficerët e repartit special të policisë së Kosovës.
Sputnik thekson se grupi policor ishte trajnuar nga amerikanët dhe ai udhëhiqet nga Gjeneral Lejtnant Mentor Shabani.
Presidenti i Serbisë, Aleksandër Vuçiç e cilësoi grupin policor “një bandë terroriste që sulmuan pjesën veriore të Mitrovicës dhe arrestoi drejtorin e Zyrës për Kosovë dhe Metohi”.
Sipas Sputnik, plani operativ është hartuar nga zëvendëskomandanti i Policisë së Kosovës për rajonin e Veriut, Besim Hoti.
Sipas planit, vazhdon Sputnik, “në Jarinje janë dërguar rreth 40 anëtarë të Policisë së Kosovës, si dhe automjete të tjera të policisë, pa specifikuar se se cila do të jetë detyra e tyre”.
Ky fakt u konfirmua nga ish-kreu i Qendrës Koordinuese për Kosovë-Metohi, Nebojsha Coviç në një program televiziv në televizionin serb.
“Ky është një njeri duhet të regjistrohet dhe të shënohet me të kuqe”, tha Çoviç.
Sputnik thekson se në vitin 2014, Shabani kaloi trajnimin në bazën “Adem Jashari” afër Prishtinës. Ky trajnim u zhvillua në bashkëpunim me Gardën Kombëtare të Iowa-s në SHBA.
“Ne pamë veprim brutal, me qëllim të poshtërimit të Serbisë”, tha Çoviç për Sputnik. /tesheshi.com/
