Kryeministri Rama ishte në Fier, ku në bashkinë e atyshme dha këshilla se si duhet t’u rrijnë gati turqve me gjithçka në synimin e tyre për të ndërtuar për tre muaj një spital të ri rajonal në Fier.
“Do ndërtohet për tre muaj. Duhet të përcaktojmë me urgjencë zonën dhe duhet të jetë në anë të autostradës. Jo larg. Duhet të ketë akses të plotë në infrastrukturë dhe javën tjetër fillon puna. Vijnë njerëzit për të bërë matjet. Projektin po e bëjnë gati në modulet që kanë. Dhe ne nuk do i zvarritim jo leja e ndërtimit jo leje e asaj e kësaj.
Duhet të ngresh (kryetarit Subashi) një skuadër me tre e veta që të merren me këtë pun dhe jo të vijnë ata të kërkojnë jo merr këtë jo merr atë. Ta bëjmë me sukses këtë punë. Është sfida e tyre për tre muaj, por nëse nuk e arrijnë të mos mbetet tek ne. Ata thonë e bëjnë për tre le të vijnë ta bëjnë për tre”, tha Rama.
Sipas tyre, roli turk do jetë dhe më i gjerë për këtë spital.
“Menaxheri, shefi i burimeve njerëzore do të jenë të gjithë të sistemit shëndetësor të Turqisë. Do të jetë publik dhe me të njëjtat standarte. Nuk do ketë ngarkesë financiar dhe do jetë falas. Për një periudhë forme do të jetë kështu deri në transferimin tek mjekët dhe administratorët tanë. Do të administrohen dhe do rekrutohen mjekë infermierë nga turqit. Do shërbejë si një laborator i dijeve të transferuar”, thekksoi kryeminsitri, sipas së cilit, me këtë spital, nuk do jetë aq e nevojshme transferimi i pacientëve në Turqi.
Një spital i ri në Fier për tre muaj, ishte një nga premtimet e presidentit Erdogan në vizitën e fundit të Ramës në Ankara.
Në formë humori, mes tyre u “vu bast” për mundësinë e ndërtimi të spitalit, që mendohet të jetë një “ishull” i mjekësisë turke në Shqipëri, brenda tre muajve.
Për Erdogan, Rama e ka bastin e humbur. /tesheshi.com/
