Qeveria e Koresë së Jugut ka thënë se nuk ka shenja që lideri i Koresë së Veriut Kim Jong-un është i sëmurë rëndë pasi raportoi se ai po i nënshtrohej një operacioni kardiovaskular në fillim të këtij muaji dhe është në “rrezik të madh”.
Spekulimet për shëndetin e tij u rritën nga mungesa e Kim nga festa kombëtare.
Daily NK, një faqe interneti e drejtuar kryesisht nga njerëz që ikën nga Koreja e Veriut, të martën citoi burime pa emër nga vendi duke thënë se Kim po shërohej në një vilë në Moung Kumgang Resort pasi u operua në 12 prill.
CNN atëherë raportoi se Kim ishte në “rrezik të madh”. Megjithatë, dy burime qeveritare i thanë Reuters se pretendimet ishin të pasakta.
Koreja e Veriut shënoi përvjetorin e lindjes së themeluesit të saj, gjyshit të Kim, Kim Il-sung, më 15 prill si një festë kombëtare, por nuk kishte Kim Jong-un në fotot e ngjarjes.
Chad O’Carroll, Drejtori i Përgjithshëm i Korea Risk Group, i cili drejton mediat NK Pro dhe NK News, shkroi në tweet:
“Padyshim që ia vlen të përmendet se Kim Jong-un nuk ka qenë prezent në publik gjatë gjithë javës që nga festa. E vlen të përmendet se ka shumë thashetheme për shëndetin e tij për momentin.”
Ai vuri në dukje se Kim u shfaq në publik tre herë në janar dhe shkurt dhe gjashtë herë në mars. Deri më tani, ai është shfaqur tre herë në prill.
Kim ka çështje të mbipeshes dhe shëndeti i tij është përkeqësuar në muajt e fundit për shkak të pirjes së duhanit dhe punës së tij, sipas Daily NK.
“Me sa di unë, ai ka luftuar me problemet kardiovaskulare që nga gushti i kaluar, por është përkeqësuar që nga vizita e tij në malin Paekt,” tha burimi, duke iu referuar malit që koreanoveriorët e konsiderojnë të shenjtë. /tesheshi.com/
