Speci djegës ashtu si dhe zarzavatet e tjera bëjnë mirë për shëndetin. Mirëpo, një studim i ri ka mundësuar zbulimin e një dobie të re: aftësinë për të dobësuar.
Për këtë janë të bindur kërkuesit e Fakultetit të Farmacisë në Universitetin e Wyoming, të cilët kanë marrë nën studim efektet e kapsaicinës në metabolizëm. Kapsaicina është një element i pranishëm në sasi të konsiderueshme tek speci djegës dhe është përgjegjëse pikërisht për efektin djegës të tij. Sipas studiuesve, aftësia e këtij elementi për të dobësuar vjen nga fakti se mundëson shndërrimin e dhjamit të bardhë në dhjam të errët që në vend që të depozitohet digjet duke lëshuar energji.
Lajm i mirë për ata që duan të humbasin peshë, por lajm i keq për ata që nuk hanë dot ushqime pikante. Por mos u mërzisni: shkencëtarët po përpiqen të prodhojnë ilaçe me përmbajtje të lartë kapsaicine pa efekte anësore. /tesheshi.com/
