I rradhës arrestim i bujshëm nga SPAK është ai i ish-kryebashkiakut të Himarës, Jorgo Goros, i akuzuar nga rivali i tij në zgjedhje Fredi Beleri për tjetërsim prone. Akuza ka të bëjë me investimin e bashkëshortit të ish-ministres Olta Xhaçka, njëherësh ish-deputeti Artan Gaçi, në pozitën e investitorit strategjik.
Nga burime jozyrtare mësohet se Goro është arrestuar në Dhërmi, në çastin kur sapo është ngritur nga një lokal ku dhe po qëndronte bashkë me disa miq të tij.
Është ky një zhvillim ironik, pasi SPAK që çoi në burg Belerin tashmë çon në burg dhe ish-rivalin e tij me një akuzë nga Beleri.
Më ironike do ishte nëse Goro do vihej në një burg ku ndodhet dhe Beleri.
Sigurisht, për Goron nuk do ketë reagim nga Greqia, pasi është bërë hasha nga shteti helen duke u shpallur “I padëshiruar” nga Athina. Kjo, pasi nuk është sjellë si grek në drejtimin e Bashkisë së Himarës. /tesheshi.com/
