Keni nisur një dietë dhe jeni duke u munduar shumë me zgjedhjen e ushqimit? Sot mund të bëni zyrtarisht pushim dhe të hiqni dorë nga dieta, duke qenë se është 6 maji, dita e zgjedhur si “No Diet Day” (Dita që nuk ka dietë). Në të gjithë botën sot ndalohet mbajtja e dietave (jo me ligj) dhe çdo person mund të konsumojë çfarë të dojë, kur të dojë, sa herë të dojë gjatë harkut kohor prej 24 orësh.
Eventi këtë vit feston edicionin e tij të 23-të. E lindur në vitin 1992 si një iniciativë e Mary Evans Young, themeluese e “Diet Breakers” dhe një ish anoreksike, dita u festua fillimisht në Londër dhe çdo vit e më shumë po bëhet mbarëkombëtare.
Mary ka deklaruar se ka menduar për një ditë pa dietë pasi zbuloi se një vajzë kishte vrarë veten pasi shokët në shkollë i thonin se ishte shumë e shëndoshë. “Vendosa të bëj diçka dhe të reagoj ndaj këtij fenomeni”,- ka thënë Mary.
Qëllimi i kësaj dite është pranimi i peshës së trupit dhe sensibilizimi në lidhje me diskriminimin të cilit i nënshtrohen personat mbipeshë. Problemet me ushqimin janë shumë më të rënda tek personat e fiksuar me peshën dhe shpesh bëhen të rrezikshme për ta. Ndaj, sot zhdukni peshoret dhe ushqimet dietike. Është koha të kënaqni oreksin./tesheshi.com/
