Ata sy të përhumbur po bëjnë xhiron e botës. Duart e tij të vogla mbajnë një letër të bardhë të shkruar me dy stilolapsa me ngjyrë dhe të drejtuara drejt qiellit.
“Sorry for Bruxelles” shkruhet në letër dhe me të kuqe është vizatuar emri i qytetit. Ky është mesazhi i solidaritetit që një fëmijë refugjat ka dashur t’u dërgojë viktimave të atentatit në kryeqytetin belg, ku mëngjesin e djeshëm ndodhën disa shpërthime terroriste me dhjetëra viktima e të plagosur.
Djali i vogël ndodhet në kampin e refugjatëve në Idomeni, në kufirin mes Greqisë dhe Maqedonisë, ku prej javësh janë vendosur të paktën 13 mijë persona, të cilët kërkojnë të kalojnë kufirin e të shkojnë në veri të Europës. /tesheshi.com/
