Prej Brexit, një koktej i përbërë nga një krizë e refugjatëve me një kolaps të mundshëm bankar, mund të jetë vdekjeprurës për BE-në, ndërkohë që sistemi financiar botëror po qëndron në prag të kataklizmave të reja. Është ky vlerësimi i atij që konsiderohet investitor i fuqishëm amerikan në botë, por edhe filantrop, George Soros.
Më troç fare, “pas Brexit, BE-në e pret një rrezik vdekjeprurës”, ka thënë Soros për gazetën italiane Corriere Della Serra “.
Evropa, siç ka thënë ai, mund të mbijetojë si union vetëm me Londrën si pjesë të saj.
Sipas fjalëve të tij, kriza e refugjatëve në Evropë është ngadalësuar pas mbylljes së rrugës ballkanike, por nuk bën të mendohet se situata do të mbetet stabël, edhe në qoftë se për momentin duket se evropianët nuk janë kundër emigrantëve.
“Autoritetet në Itali dhe vendet tjera duhet të tregojnë një vullnet real për zgjidhjen e problemeve të përbashkëta të cilat i ka sjellë politika e BE-së ndaj refugjatëve.
Kjo është çështje e vullnetit politik. BE ka burime të paprekura të cilat mund t’i shfrytëzojë tani. Nëse nuk e bën këtë tani, kur gjendet në kufirin në mes të jetës dhe vdekjes, vallë kur do ta bëjë?!”, pyet financieri amerikan.
Soros beson se marrëveshja midis BE-së dhe Turqisë, përbën bazë të pasigurtë për politikën të re të BE-së për refugjatët, kur thotë: “sidomos tani që pas përpjekjes për grusht shteti është rritur akoma më shumë niveli i pasigurisë.”
“Në mënyrë që të mbijetojë, BE duhet urgjentisht të miratojë një mori masash të jashtëzakonshme”, thekson miliarderi hundarezo-amerikan, duke shtuar se “duhet të bëhet një dallim i qartë në mes të BE-së dhe eurozonës.”
Sipas tij, hallka më e dobët e eurozonës, është Italia, bankat e së cilës kanë nevojë për rehabilitim urgjent. Ai propozon riorganizimin e investitorëve institucionalë dhe rimbursimin e atyre privat.
Përveç kësaj, Soros si kusht për ngjalljen e Evropës ka përmendur respektimin e disiplinës financiare dhe të rregullave të shoqatave bankare. /tesheshi.com/
