Ambasadori Soreca informoi mbi një bisedë që ai kishte patur online me kreun e opozitës Lulzim Basha.
Siç ka informuar njeriu i Brukselit në Tiranë, ai e ka ftuar njeriun kryesor të opozitës shqiptare që të monitorojë reformat e ndërmarra nga qeveria e vendit të tij, por dhe të bashkëpunojë.
“Sot zhvillova një bisedë me Lulzim Bashën për vendimin e hapjen e negociatave për Shqipërinë javën e kaluar nga Këshilli i Europës. Përmendëm dhe kuptuam rëndësinë e reformave të bëra nga Shqipëria për të marrë dritën e gjelbër dhe u pajtuam që ato duhet të vazhdojnë dhe se e gjithë shoqëria ka nevojë për bashkëpunimin dhe monitorimin e opozitës“, shkruan Soreca por jo vetëm kaq.
“Ne folëm gjithashtu për mbështetjen që Bashkimit Evropian do i jap Shqipërisë në luftën e vazhdueshme kundër COVID-19 dhe në përpjekjet e rindërtimit pas tërmetit të nëntorit të kaluar”, informoi njeriu i BE-së në Tiranë.
Ndodh kjo ndërsa PD ndodhet jashtë sistemit prej gati një viti, në përballjen me jo pak kritika për një strategji penguese në hapjen e negociatava. /tesheshi.com/
