Qeveria e re e koalicionit italian, e cila rrëzoi liderin e krahut të djathtë Matteo Salvini, nuk është e popullarizuar me shumicën e votuesve, sipas një sondazhi të opinionit publik.
Qeveria e re, e përbërë nga Lëvizja Pesë Yje – M5S dhe Partia Demokratike e qendrës së majtë – pritet të jetë më e butë me migracionin dhe më pak konfrontuese me Bashkimin Evropian.
Por 52 përqind e italianëve kanë një mendim negativ për qeverinë, ndërsa 36 përqind mendojnë pozitivisht, sipas një sondazhi të Ipsos të botuar në gazetën Corriere della Sera.
Nëse njerëzit që nuk kanë një opinion përjashtohen, qeveria mbështetet nga 41 përqind e italianëve, që është ndër vlerësimet më të ulëta ndaj kabinetit të ri, sipas Ipsos.
Qeveria u formua kur LEGA e Salvinit u tërhoq nga qeveria e mëparshme me Lëvizjen Pesë Yje.
Salvini shpresonte që kjo të nxiste zgjedhje të parakohshme dhe më pas të merrte drejtimin e qeverisë referuar një mbështetjeje të pretenduar.
Në vend të kësaj, armiqtë e betuar, Lëvizja Pesë Yje dhe Partia Demokratike, papritur bashkuan forcat për të shamngur Salvinin, si dhe për të shmangur zgjedhjet me të cilat me siguri nuk do të shkonin mirë.
Sondazhi zbuloi se 45 përqind e italianëve thanë se qeveria nuk do të zgjasë më shumë se një vit.
Qeveria e re do të përballet me një votëbesim në dhomën e sipërme dhe të ulët të Parlamentit të hënën dhe të martën. /tesheshi.com/
