Dy javë para zgjedhjeve të parakohshme në Kosovë, kanë nisur të shfaqen dhe treguesit e parë të sondazheve mbi fituesit dhe humbësit e mundshëm.
Një i tillë është dhe ai i bërë nga Instituti për Hulumtime dhe Analiza Sociale, sipas së cilit asnjë nga koalicionet nuk do mund të arrijë të marrë mbi 50% të votive, për të patur më pas mundësinë e formimit të qeverisë vet.
Ndërsa në nivel rezultatësh, sondazhi nxjerr fitues koalicionin PDK-AAK-NISMA me 40.82 %, kurse koalicionin LDK-AKR-Alternativa e radhit në vendin e dytë me 30.22 %, ndërsa Vetëvendosje në vendin e tretë me 19.45 %.
Sondazhi është bërë në 7 qendrat kryesore të Kosovës (Prishtinë, Mitrovicë, Pejë, Prizren, Ferizaj, Gjilan, Gjakovë), kurse si mostër janë marrë 3500 respodentë , sipas metodës së rastësisë. /tesheshi.com/
