“Nuk duam as bukë, as ujë, as drita, vetëm ju të dy të shkoni mirë”- lutej 13 vite më parë një socialiste e Beratit duke i kërkuar Fatos Nanos dhe Ilir Metës të pajtoheshin.
Por një pasardhëse e saj, e cila përvëlohej për unitetin e së majtës, një socialiste e re po në këtë qytet, ka ndryshuar lutje. Ajo i ka shkruar Edi Ramës duke e përgëzuar për shkarkimin e drejtorëve të LSI-së.
“Shumë vonë u kujtuat, por më mirë vonë se kurrë’- ky është emaili që më erdhi nga një zonjë nga Berati, tha Rama sot.
“E gjithë kjo historia është një histori pengmarrje. O do pranosh këtë, ose s’do bësh koalicione. Dy partitë e mëdha janë bërë peng e këtij ankandi. Demokracia nuk është anarki dhe pazar”- theksoi kryeministri Rama, i cili kërkon të qeverisë në mandatin tjetër pa Metën, aleatin “pengmarrës”.
Rama e tregoi letrën e socialistes së Beratit gjatë një takimi me pensionistë në Vlorë./tesheshi.com/
