Tashmë, mazhoranca po instalon një fjalorin e saj karshi çadrës së opozitës vitin ’97, duke e vënë atë nën akuzë se po tenton pikërisht përsëritjen e ngjarjeve tragjike të atij viti.
Ishte fillimisht Gramoz Ruçi ai që ditë më parë nisi ta artikulonte 97-ën në disa takime paraelektorale, duke thënë se opozita po kërkon një destabilizim të vendit si atëherë.
Dhe po të vihet re kjo po ndodh pothuajse çdo ditë. Vetëm sot, ishin dy eksponentë të PS-së, Taluant Balla dhe Eduart Shalsi, të cilët ngjashëm akuzuan opozitën se po tenton të provokojë një 97-të me destabilizimin e vendit.
Por ndryshimi është se atëherë PD ishte në pushtet dhe PS në opozitë; dhe kjo solli që e para të akuzonte të dytën si shkaktare të asaj gjendjeje kaosi e destabiliteti ku u zhyt Shqipëria për muaj me rradhë. /tesheshi.com/
