“Solidariteti i shprehur për Greqinë nga vendet e Eurozonës ka një kufij, pasi të gjithë kanë angazhimet e tyre në fushën e kursimit”,- ka thënë Kryeministri Slloven Miro Cerar.
Në kohën kur ky shtet i ish republikës Jugosllave pranoi dhe njohur faktin që Greqia ishte në një pozitë shuam të vështirë ekonomike, Kryeministri Slloven u shpreh se anëtarët e Bashkimit Europian duhet t’iu përmbahen normave dhe rregullave të bllokut, të cilat përfshijnë mbajtjen e deficiteve buxhetore dhe të borxhit publik në nivele të qëndrueshme.
“Edhe njerëzit tanë janë bërë subjekt dhe po vuajnë pasojat e masave shtrënguese. Ne po bëjmë të pamundurën për të reduktuar deficitin buxhetor dhe për të konsoliduar financat publike, ndaj nuk mund ta teprojmë me solidaritetin ndaj Greqisë, pasi ky do të ishte një mesazh shumë i keq për qytetarët tanë taksapagues”,- është shprehur Cerar në një intervistë nga zyra e tij në Ljubianë.
Tensionet mes Greqisë dhe partnerëve të saj në BE, përfshirë edhe Gjermaninë u thelluan kur Kryeministri aktual grek, Alexis Tsipras mori detyrën në muajin janar të këtij vit dhe u zotua se do të çojë deri në fund bashkëpunimin e vendit të tij me organet ndërkombëtare që kanë premtuar ndihmë ndaj Greqisë. Nga ana tjetër, Gjermania i ka kërkuar Tsipras të ulë shpenzimet, ndërsa Greqia përgjigjet se këto masa po e mbysin vendin.
Sllovenia është kontributore me 240 miliard euro të dhuruara nga Bashkimi Europian, Fondi Monetar Ndërkombëtar dhe Banka Qendrore Europiane për Greqinë, në mënyrë që shteti grek të shkurtojë shpenzimet dhe të rimëkëmbë ekonominë e tij./tesheshi.com/
