Skënder Hyseni, ministri aktual i Punëve të Brendshme është një prej më të kritikuarve në kabinetin qeveritar “Mustafa”.
Që nga marrja e udhëheqjes së këtij dikasteri qeveritar është parë nga ekspertë të sigurisë dhe drejtues të opozitës, por jo vetëm, si njeri jo i duhur për të udhëhequr ministrinë në fjalë.
Dhe, (mos)puna e tij që nga marrja e detyrës, në veçanti dështimi sidomos në kohën e krizës politike, dhe mos sjelljes para drejtësisë për personat që sulmuan institucionet publike, përjashtu këtu, sulmin e parë ndaj Kuvendit të Kosovës, që për momentin i është mveshur aktivistëve të Vetëvendosje-s, është dëshmi e qartë se Hyseni më shumë ka heshtur se ka vepruar.
Për më keq, ai në vend se të jep deklarata të matura, për ngjarjet që mund të ngritin tension.
40 personat që janë dënuar për terrorizëm dhe po qëndrojnë nëpër burgjet e Kosovës, ministri Hyseni i shih si rrezik për të ndikuar te të burgosurit tjerë dhe rrezik për t’u bashkuar në grupe pas përfundimit të dënimit.
“Gjendjen me radikalizmin e shoqërisë e kemi pasur tepër të keqe, tash e kemi shumë të mirë, kemi problem me radikalizmin në burgje, dhe kjo përbën problem të madh. Ne kemi filluar të bëjmë plane serioze si t’i qasemi radikalizmit në burgje. Tashmë i kemi 40 të dënuar për çështje të radikalizmit dhe ne duhet të punojmë që ata ti riintegrojmë e jo që ata të radikalizojnë edhe të burgosurit e tjerë”, ka thënë Hyseni, në muajin korrik para komisionit parlamentar të sigurisë, ku shtoi se në lidhje me këtë çështje do të ndërmerren masa.
Demantohet keq Hyseni
Por, kjo deklaratë e Hysenit u demantua menjëherë nga drejtori i përgjithshëm i shërbimeve korrektuese të Kosovës, Sokol Zogaj. Ai ka mohuar të ketë radikalizëm nëpër burgje, duke thënë se falë angazhimit të tyre kanë arrit që të krijojnë një ambient të sigurt për të burgosurit dhe stafin që punojnë institucionet korrektues.
“Nuk ka radikalizmi, ne i kemi marrë të gjitha masat e sigurisë, edhe brenda për brenda institucioneve, mirëpo, për hirë të një sigurie më të madhe, ne kemi raporte shumë të mira edhe me Policinë. Ne kemi angazhuar edhe burgun e sigurisë së lart, edhe në Dubravë që policia të interesohet rreth sigurimit të jashtëm të burgjeve, që në këtë drejtim na ka ndihmu shumë. Njësit speciale në vazhdimësi e vëzhgon situatën dhe çka është me rëndësi, ne kemi komunikim të vazhdueshëm me këtë numër të burgosurve. Kur them të burgosurve, mendoj edhe të paraburgosurve të dënuar dhe mund të them që nuk kanë dhënë ata shenja të radikalizmit, ata kanë sjellje shumë të mira, e respektojnë rendin shtëpiak edhe u mbet në vazhdimësi që janë mbetur disa programe që të punojmë me ta”, tha Zogaj.
Zogaj gjithashtu ka bërë të ditur se edhe me kryeimamin e Bashkësisë Islame të Kosovës, kanë biseduar për mundësinë e arritjes së një marrëveshje mirëkuptimi, në mënyrë që përfaqësues të BIK-ut të mbajnë ligjërata nëpër burgje.
Pas, demantit të forte që i bëri Zogaj, ministri Hyseni heshti dhe nuk u bë i gjallë të flas se nga çfarë informacione lëshoi një deklaratë të tillë, apo sikur dëshiroi të mbuloi dështimet e tij, me deklarata të forta.
Në një mënyrë, ministrin Hyseni e ka demantuar edhe kryetari i Këshillit për Mbrojtjen e të Drejtave dhe Lirive të Njeriut (KLMDNJ), Behxhet Shala i cili ka thënë se në burg është mundësia shumë më e vogël për ta ushtruar një ndikim qysh dikush po supozon sepse atje të burgosurit janë nën kontroll dhe është shumë më vështirë se sa që është jashtë.
S’ka rrezik që të burgosurit të radikalizohen
Por ministri Hyseni demantohet edhe nga njohës të fushës së sigurisë.
Eksperti i sigurisë, Avni Islami, thotë se gjasat për radikalizim të të burgosurve janë shume të vogla , përjashtuar ndonjë rast të izoluar, i cili ka pak gjasa të mos identifikohet.
Sipas Islamit, arsyeja pse nuk mund të ketë radikalizim në burgje është e thjesht, pasi në qendrat e burgut, gjithçka monitorohet dhe vëzhgohet nga përgjegjësit e burgut, dhe se të burgosurit lëvizin në hapësira të caktuara dhe të kontrolluara.
“Nëse ministri Hyseni ka deklaruar se në burgje po bëhet radikalizimi, unë them se gjasat janë shumë më të mëdha që numri i pjesëtarëve të policisë të radiklizohet se sa i burgosuri, sepse shumë pjesëtarë të saj po shkojnë e po i kryejnë ritet fetare te disa imam të cilët janë të dyshuar se i kanë radikalizu një numër të të rinjëve”, ka thënë Islami, për tesheshi.com.
