Një skandal ka shpërthyer në proçesin që po zhvillohet në Tiranë ndaj ish-deputetit Mark Frroku, i cili akuzohet për “vrasje” dhe “shfrytëzim prostitucioni”. Siç mësohet, prokurorisë dhe gjykatës nuk i dalin hesapet me fashikujt në proçesin gjyqësor ndaj ish-deputetit Frroku, i cili akuzohet edhe për “mosdeklarim të pasurisë” dhe “ndërtim të paligjshëm”. Po për çfarë bëhet fjalë?
Mungojnë dy nga 29 dosjet e hetimit nga prokuroria të ish-deputetit kristian-demokrat, dosje që kanë pasur fakte, deponime dhe prova shkencore për të mbështetur akuzat. Pas pyetjes së dëshmitarëve, ku të fundit ishin oficerët e policisë belge, prokuroria vijoi me administrimin e provave shkresore. Por, nga verifikimet rezultoi se numri i fashikujve, sipas prokurorisë nuk ishte i njëjtë me ato që dispononte gjykata. Më konkretisht, përfaqësuesit e akuzës deklarojnë se fashikujt janë nga 1 në 29, ndërsa gjykatës i rezultojnë 27.
Po ashtu, në fashikullin 18, sipas prokurorisë, ndodhen 536 fletë, ndërsa gjykata konfirmon se në fashikull ka 426 fletë. E gjithë kjo situatë ka shkaktuar një kaos për proçesin “Frroku”, gjë e cila ka alarmuar edhe dedektivët e policisë belge dhe ato holandeze, të cilët përkatësisht kryejnë hetimet për Mark Frrokun dhe Arben Frrokun. Ka qenë pikërisht Mark Frroku, ai i cili hodhi akuza për spekulime ndaj tij, ndërsa deklaroi se oficerët e policisë belge që dëshmuan kundër tij, duhej të arrestoheshin për deklarim të rremë. Bëhet fjalë për një mesele të pakëndshme në mes gjykatës dhe prokurorisë shqiptare.
Kush i ka zhdukur dosjet dhe si ka mundësi të mos ruhet një dokumentacion zyrtar jetik për hetimin?
Dy prokurorët që zbuluan skandalin, Adriatik Cama dhe Anisa Qilimi kanë kërkuar shtyrjen e proçesit, deri sa të merret vesh e gjithë e vërteta me dosjen e Mark Frrokut. Kush i zhduku nga pjesa e gjyqësorit që po përjeton momentet e fundit pa lavdi, të një epoke ku gjyqtarë e prokurorë nuk kanë qenë aspak popullor ndër njerëzit e zakonshëm./tesheshi.com/
