Sipërfaqe rruge të afta të durojnë nxehtësinë termike dhe të jetojnë deri në tre herë më shumë se ato aktualet. Kjo është gjithçka që mund të thuhet për asfaltin e formuar nga riciklimi i shisheve plastike dhe objekteve të tjera të konsumit.
Ideja është e një studioje projektimi në Holandë, VolkerWessels, e cila ka menduar të reduktojë ndikimin në ambient dhe kostot e mirëmbajtjes së rrugëve të Roterdamit. Shumë shpejt do të realizohen edhe testet e para për të vlerësuar sigurinë.
Sipas kërkuesve në agjencinë holandeze, asfalti emeton 1.6 milionë ton CO2 në vit, në nivel global, që përbëjnë rreth 2% të emetimit total të transportit rrugor. Zgjidhja e propozuar do të mundësojë uljen e kostove të ambientet, nga transporti.
Kursim dyfish – Projekti parashikon ndër të tjera një metodë të prodhimit shumë të avantazhuar, i cili konsiston në realizimin e komponentëve prej plastike të ricikluar në fabrikë dhe transportimin e saj me lehtësi në vendet e instalimit. Një zgjidhje e cila përveç se shkurton kostot, nënkupton edhe reduktimin e kohës së ndërtimit të rrugës. E thënë ndryshe, menaxhim më i lehtë i trafikut të automjeteve dhe reduktim i nivelit të ndotjes.
Për momentin bëhet fjalë vetëm për një projekt në letrës. “Faza e ardhshme do të jetë ndërtimi i një prototipi për ta testuar në laborator, për të siguruar se një ndërtim i tillë është i sigurt edhe në kushtet e lagështisë”,- thotë Rolf Mars, përgjegjës i menaxhimit në rrugë, më VolkerWessels. /tesheshi.com/
