Një situatë ende e pastabilizuar vërehet në Universitetin e Tiranës, ku ndërsa studentët janë ndarë në të ngujuar e në prirur për mësim, një grup pedadogësh nga Filologjiku dhe Shkencat Sociale, janë shndërruar në protestues duke i vënë dhe afate qeverisë. E quajtura si Asamble Pedagogësh, ku veçojnë emra si Mark Marku, ish-deputet i PD-së, e Arlind Qorri i njohur si marksist, kërkojnë shfuqizimin e Arsimit të Lartë. Pra, deri më 1 shkurt. Përndryshe, thonë se do bojkotojnë mësimin.
Nga ana tjetër, Rektori Koni nuk ka mundur akoma që të ndërhyjë për heqjen e bllokimit te Juridiku, ku pjesa më e madhe e studentëve duan të zhvillojnë mësimin.
“Z.Rektor, duhet të gjejmë një zgjidhje të menjëhershme. Na premtuat se nëse hapet dera, do bënim edhe mësim. Mjafton nga ju një nënshkrim që policia private dhe shtetërore të futet dhe të hapet kjo derë…”, ishtë drejtuar një studente, e cila ka marrë këtë përgjigje nga i pari i UT-së: “Siç e thash edhe pak më parë, unë jam në pritje të takimit me studentët”, është përgjigjur Koni, referuar atyre që janë ngujuar e që pengojnë të tjerët nga mësimi. /tesheshi.com/
