Duke dhënë disa tituj pronësie të tokave bujqësore, kreu i Kadastrës shqiptare Artan Lame, tha situata e trashëguar është katastrofike.
“Tre dekada po mundohemi të bëjmë letra dhe hiç. 80% e pasurive janë regjistruara me probleme, shumica e hartave janë në gjendje të tmerrshme. Janë investuar 150 milionë euro në këto 30 vjet dhe kjo është situata. Kemi keqmenaxhim. Është mungesë totale e dëshirës për t;i dhënë zgjidhje themeleve të një vendi”, u shpreh Lame gjatë një bashkëbisedimi me gazetarët, njëherësh duke promovuar nisjen e një epoke të re prej tij, kur tha se procesi i dixhitalizimit kadastral do të japë siguri të plotë në të ardhmen.
Gjithashtu, duke qenë në Gjirokastër, ai tha se jo vetëm toka bujqësore, por dhe banesat janë të paregjistruara.
“Ka banesa me dokumente që në kohën e Sulltan Hamitit, të cilat ende nuk janë regjistruar”, tha Lame. /tesheshi.com/
