Manchester Siti fiton sërish dhe rrit distancën me rivalët e qytetit, që të shtunën bënë të parin hap fals në Premier Ligë.
Skuadra e Guardiolës ka ruajtur ritmin e fitoreve, e sërish ka shënuar 3 gola. Aguero, Otamendi dhe Sane ishin autorët e golave për Sitiziens, të cilët, vetëm në fund të ndeshjes, toleruan disi Stoke City, duke e lejuar të shënojë një gol.
Tjetër histori për Manchester Junajted, i cili humbi 2-1 me Hudersfild. Skuadra e Murinjos u duk pa shumë energji në këtë ndeshje dhe pësoi fillimisht 2 gola. Vetëm në minutën e 75-të, Rashford ngushtoi rezultatin, por “djajtë e juq” nuk patën më shumë efiçensë para porte.
Fitore të vuajtur arriti dhe Çelsi i Kontes, i cili fitoi me përmbysje 4-2 me Uotford. Arma fituese e trajnerit italian u bë Batshuai, pas hyrjes të të cilit, Çelsi barazoi e kaloi në avantazh. Belgu shënoi 2 gola dhe Antonio Konte shpërtheu në festë, ndoshta se shpëtoi nga shkarkimi thuajse i sigurtë në rast humbjeje.
Në luftën për t’i ikur zonës së ftohtë të fundit të renditjes, Njukasëll fitoi 1-0 me Kristal Palas.
Manchester Siti ka aktualisht 5 pikë më shumë se Junajtid. /tesheshi.com/
