Miroslav Lajcak, një ndër politikanët me të njohur sllovakë e njëherësh europianë (mban postin e zëvendëskryeministrin dhe ministrit të jashtëm), ka folur për zhvillimet më të fundit në Shqipëri, ku ka përcjellë një apel për opozitën që fushëbetejat, siç tha konkretisht, t`i kuptojë që bëhen në parlament e jo në rrugë a sheshe- e nënkuptuar kjo si një mosmbështetje për protestën e opozitës planifikuar për të enjten.
Ndërsa sa për reformat e qeverisë, që jo pak kanë provokuar pakënaqsi në disa shtresa, Lajçak ka thënë se ato janë janë të dhimbshme, por të nevojshme.
Deklarimet e z. Lajçak u bënë në TV Ora News, përballë gazetares ILva Tare. Por ajo çfarë bëri më shumë përshtypje në fjalët ishte ajo kur tha se: “…nuk ju habis kur them se kur thoni shqiptar në Europë, njerëzit nuk e dinë se bëhet fjalë për një qytetar shqiptar. Kërkojnë nëse je shqiptar nga Kosova apo Maqedonia. E vërteta është se ka shumë qytetarë kosovarë dhe maqedonas që jetojnë në Sllovaki kështu që është e vështirë të dallosh se ka shqiptar dhe Shqipëri dhe ka një vend që quhet Shqipëri. Ne duam të promovojmë imazhin e Shqipërisë. Unë shoh shumë potencial gjithashtu në fushën e turizmit. Ju keni plazhe të bukur që ne nuk i kemi dhe unë mendoj se është një hapësirë që njerëzitë nuk e kanë idenë por them se është diçka që mund të fokusohemi”.
