Banka Botërorore tha se për herë të parë më pak se 10 për qind e popullsisë së botës do të jetojë në varfëri ekstreme e kjo deri në fund të këtij viti. Banka përmes përdorimit të një shifre të re prej 1.90 dollarë në muaj për të përcaktuar varfërinë ekstreme, nga 1.25 që ishte më parë, ka parashikuar se popullsia e btës në këtë kategori do të bjerë nga 12.8 për qind në 2012, në 9.6 për qind këtë vit.
Gjithsesi, përqëndrimi i varfërisë globale në vendet e Afrikës subsahariane përbën një shqetësim të madh.
Në këto vende, ka rënie të varfërisë por shifrat janë drastike. Janë 35.2 për qind e njerëzve që jetojnë në varfëri ekstreme në këto vende, duke përbërë gjysmën e të varfërve të botës.
Banka Botërore apeloi vendet e botës të bëjnë më shumë duke thënë se “jemi brezi i parë në hisotrinë e njerëzimit që mund t’i japin fund varfërisë ekstreme”.
Por, përpjekjet sipas BB-së, do të jenë shumë të vështira sidomos në këtë kohë të ngadalësimit të rritjes ekonomike, tregjeve të paqëndrueshme, konflikteteve dhe papunësisë së madhe mes të rinjve. /tesheshi.com/
