Zgjedhjet brenda partive, asaj Demokrate dhe Republikane në Shtetet e Bashkuara njohën në sfidën e parë dy rivalë që sollën suprizë, por edhe lehtësim mes njerëzve të jetës publike dhe sociale. Gara e parë elektorale në Iowa në ciklin e gjatë të zgjedhjeve presidenciale, dëshmoi disfatën e dy prej kandidatëve më populistë. Donald Trump kaloi në vendin e dytë duke ia lënë vendin e fitimtarit, senatorit të Teksasit, Ted Cruz.
Ndërsa majtas, senatori Bernie Sanders, një demokrat socialist i vetëshpallur, garoi kokë më kokë me kandidaten e avantazhuar të demokratëve, Hillary Clinton. Kjo e fundit ka arritur e para në finish, por me një diferencë që analistët e përshkruajnë si the thike, pasi mbështetësit e kandidatit rival të saj, një orator i ashpër, nuk dolën në numrat që Sanders pretendonte.
Gjithsesi, edhe pse kandidatët populistë njohën humbjen, votimet brenda partisë në Iowa tregua se fushata e zgjedhjeve vijon të marrë xhiro nga forcat që ushqehen prej zemërimit populist dhe pakënaqësisë ndaj atyre që kanë eksperiencë në qeverisje.
Senatori Cruz vështirë të quhet një i moderuar brenda rrymës. Senatori që ushtron mandatin e tij të parë fitoi në Iowa duke bërë fushatë mes evangjelistëve si një predikues, duke denoncuar liderët e partisë Republikane si tradhtarë të kauzës konservatore dhe duke përshtatur për vete disa nga qëndrimet më të ashpra të kandidatit tjetër, Trump. Ai ka deklaruar se ka nevojë të ndërtohet muri në kufirin jugor me Meksikën dhe është prioritet deportimi i miliona emigrantëve pa dokumente që tashmë ndodhen në Amerikë.
Por, edhe Trump nuk është se ka dalë jashtë gare në këtë provë të parë. Ai tashmë ka rënë paksa me këmbë në tokë pasi kishte sfiduar ligjet e gravitetit për muaj me radhë. Demagogjia dhe kandidatura e ushqyer nga fama, e ndihmuan të nxjerrë shumë votues të rinj në zgjedhjet në Iowa, duke bërë që pjesëmarrja në kampin republikan të jetë më e lartë se zakonisht. Por, Trump nuk mund ta komandojë besnikërinë e të gjithë votuesve që shkojnë në zgjedhje për herë të parë. Megjithatë, biznesmeni kryeson në votimin e radhës në New Hampshire duke mbajtur kryesimin me dy shifra në sondazhe, të paktën për momentin.
New Hampshire mban zgjedhjet brenda demokratëve e republikanëve në 9 Shkurt, dhe shihet si relativisht sekularist dhe i paangazhuar shumë në politikë, kështu që duket më i përshtatshëm për të nxjerrë fitues Trump, manjanin e martuar disa herë ndërsa në Iowa kishte një numër të madh kristianësh konservatorë.
Ndërsa sa për Sanders, ai u detyrua të mbarojë garën i shtypur nga makineria e fushatës së Clinton, impresive dhe e financuar shumë mirë. Kjo makineri nxori shumë njerëz në votime për të, duke arritur të tejkalojë problemin e Clinton që kandidatura e saj nuk entuziasmon mes demokratëve.
Vetëm pak muaj më parë, Sanders sa mezi shfaqej në sondazhet e opinionit publik e jo më të ishte një kërcënim ndaj Clinton. Ajo është një ish-zonjë e parë dhe ish-sekretare e Shtetit, vitet e së cilës në pushtet dhe metodat e mbledhjes së fondeve i mbajtën larg kandidatët e mundshëm me emër të madh mes demokratëve.
Sanders është një burrë flokëthinjur që garon mbi një platform të indinjatës kundër pushtetit të Ëall Street, kompanive të mëdha dhe të pasurve, dhe që premton taksa më të larta madje edhe për klasën e mesme në Amerikë për faturat e universitetti dhe një system të kujdesit shëndetësor në stilin europian.
Iowa, demokratët e së cilës janë më të bardhë dhe më radikalë sesa anëtarët e partisë në shumë shtete të tjera, nuk e votuan Clinton në garën e vitit 2008, duke mbështetur Barack Obamën. Clinton nuk e mori veten nga kjo disfatë, madje edhe sot e kësaj dite.
Ndërkaq, Iowa ofron një dozë të rëndësishme lehtësimi për elitat e biznesit dhe politikës që janë përbaltur dhe poshtëruar shumë në muajt e fundit.
Shtetet e para që mbajnë votimet e brendshme nuk janë përcaktuese për fituesit e të dyja kampeve, dhe vërtet Iowa ka një rekord të ulët të përzgjedhjes së të kandiduarve republikanë. Por, këto shtete vendosin disiplinë brutale në fushën e lojës, duke larguar kandidatët më të dobët nga gara dhe duke përshfaqur dobësitë e të avantazhuarve. Iowa tashmë e ka dhënë goditjen e saj në zgjedhjet e 2016. New Hampshire do të shërbejë për t’u dhënë fund disa kandidatëve. Përgatiti: Juli Prifti – /tesheshi.com/
