Moska zyrtare ka protestuar fuqishëm ndaj pranimit të Kosovës si anëtare me të drejta të plota të Gjykatës Ndërkombëtar të Arbitrazhit.
Një vendim që nuk është as më pak e as më shumë por “paradhoma e pranimit të Kosovës në OKB”.
Zëdhënësja e ministrisë së Jashtme ruse, Maria Zakharova, deklaroi se “vendimi është marrë që më përpara dhe është i orkestruar politikisht” duke hedhur poshtë argumentet që kundërshtojnë pavarësinë e Kosovës.
Këshilli i 195 Administrativ i Gjykatës mori vendim më 13 qershor, vendim ky që është shumë i rëndësishëm nga ana e së drejtës ndërkombëtare.
Protesta e ministrisë së Jashtme ruse ka qenë zyrtare dhe është dorëzuar në Këshillin e Sigurimit të OKB-së.
Zëdhënësja e ministrisë së Jashtme, Zakharova, akuzoi autoritetet e gjykatës së janë injoruar argumentet juridike të vendeve që nuk e njohin pavarësinë e Kosovës që janë: Serbia, Argjentina, Brazili, India, Spanja dhe Nikaragua.
Ata apelojnë tek neni 94 i Konventës së Hagës, i cili kërkon që këto çështje zgjidhen me konsensus.
“Ne theksojnë se rezultati i këtij votimi nuk do të na shtyjmë të njohim pavarësinë e Kosovës. Ne e konsiderojmë Kosovën pjesë e Serbisë”, tha përfaqësuesja e Moskës.
Moska u shpreh se ishte e frustruar se tashmë shtetësia e Kosovës është një proces i pandalshëm dhe se Republika e Kosovës po pranohet hap pas hapi në agjencitë e njohura ndërkombëtare.
Ndërkaq ministri i Jashtëm i Kosovës, Enver Hoxhaj, bëri të ditur se ky pranim është një “vulë shumë e rëndësishme juridike për ecjen përpara të njohjes ndërkombëtare dhe pranimit të Kosovës në organizmat ndërkombëtare”./tesheshi.com/
