Fëmija juaj sapo u ambientua me verën dhe ritmet e zakonshme gjatë pushimeve dhe tani është koha për t’u rikthyer ritmeve të përditshmërisë.
Mundohuni të mos bëni ndryshime drastike.
Kjo arrihet duke mos bërë shumë ndryshime në orare, si për shembull orari i ngrënies apo i gjumit. Përndryshe fëmija do bëjë naze për të treguar bezdisjen e vet. Vazhdo kështu të paktën për një javë duke bërë ndryshime të vogla prej 5 ose 10 minutash.
Kopsht ose dado me kohë të pjesshme
Pasi fëmija ka kaluar gjithë kohën me mamin dhe babin ka për ta vuajtur rikthimin në kopsht apo me një dado me kohë të plotë. Fillojeni me disa ndarje të shkurta prej disa orësh apo gjysmë dite.
Trego anën pozitive
Fëmijëve pak më të mëdhenj mund t’u shpjegohet se ana e mirë e rikthimit në shtëpi është se po e presin lodrat e veta dhe dhoma e vet. Nëse gjatë pushimeve ka fjetur te krevati i madh me prindërit, tashmë është “një verë” më i madh, kopshti apo shkolla po e pret. Pra është mjaftueshëm i rritur që të flejë vetëm te krevati i tij. /teshesheshi.com/
