Rumuni Mihai Daniku frekuenton një kafene lokale në Albesht çdo fundjavë me miqtë e tij. Dy javë më parë ai nuk u zgjua në shtratin e tij pas një nate të dehur, por në Londër.
Mihai nga Rumania ende nuk mund të vijë në vete nga shock-u i përjetuar. Një natë ai ishte me një gotë birre me miqtë e tij, kurse mëngjesin tjetër ai ishte 2.500 milje larg nga shtëpia e tij. Gjëja e fundit që ai mban mend është se ishte duke folur me shoqërinë e tij rreth asaj se si donte të gjente një punë dhe pastaj përnjëherë çdo gjë ishte errësuar në mendjen e tij.
Rumuni u zgjua në Londër, i mbuluar me plagë dhe gërvishtje. Ai nuk ishte i sigurt se ku ishte, por ishte i befasuar kur mori vesh se të gjithë rreth tij flisnin anglisht. Zyrtarët e policisë lokale e çuan atë në “Cross Hospital” ku erdhi në vete dhe ku po shërohet aktualisht nga lëndimet.
Adina Kostash, infermiere, postoi historinë e tij në Facebook, në mënyrë që të bie kontakt me njerëz në Rumani që e njohin atë. “Ai është gjetur i dehur dhe i rrahur.” Më tha se nuk njihte askënd në Londër. Nëse e njeh dikush, le të më dërgojë një mesazh”.
Mediat lokale në Rumani transmetuan historinë e Mihait. Fqinjët e tij i thanë mediave se ai jetonte me shoqen dhe fëmijët në shtëpinë e prindërve të tij. Hera e fundit që e panë atë, ishte kur ai shkoi në kafene dhe pas kësaj humbi çdo gjurmë.
“Është një djalë i mirë, por pi shumë. Nuk jemi të befasuar nga kjo histori”, thanë fqinjët. Vendasit e Mihait janë tallur në rrjetet sociale se ai ishte në një aheng që zgjati një javë, jo një mbrëmje, dhe në ndërkohë atij i erdhi ideja për të udhëtuar diku larg.
Autoritetet kompetente në Albesht së shpejti do të kthejnë në shtëpi djaloshin e pafat, i cili akoma nuk mund të kujtohet se çfarë në të vërtetë i ndodhi atij atë natë.
Kjo është një histori tipike si në ato të librit “Ushtari i mir Shvejk”, ku të papritura të tilla për shkak të dehjes, i ndodhnin dhe kapelacit Oto Kac. /tesheshi.com/
