Patëllxhanët mund të jenë një frut (po, është frut, jo perime) që ka disa truke për t’u gatuar, sidomos kur skuqen apo kavardisen. Kur gatuhen siç duhet patëllxhanët janë një ushqim i butë, i mëndafshtë dhe shumë i shijshëm. Por nëse jo, historia ndryshon krejtësisht duke marrë një pjatë e rëndë, plot yndyrë dhe aspak me shije, ndaj ja si të mos lejoni patëllxhanët të thithin shumë yndyrë.
Lyejini patëllxhanët me vaj
Në vend që të hidhni vajin në tigan, lyejini tulin e patëllxhanëve, do të keni më shumë kontroll mbi vajin që përdorni. Kjo metodë funksionon perfekt nëse e keni ndarë në rripa apo në mes patëllxhanin.
Futini në mikrovalë në fillim
Para se t’i vini në sobë, futini pak në mikrovalë fetat e patëllxhanëve. Paragatimi i patëllxhanëve (në një pjatë të mbuluar me letër kuzhine) përreth 5 minuta ndihmon në prishjen e strukturës sfungjerore të patëllxhanit, çka do të ndihmojë në mos thithjen e shumë vaji.
Kriposini para gatimit
Kjo mënyrë nuk është efikase për t’u hequr hidhësinë patëllxhanëve, por duke i bërë “të djersijnë” parandalon thithjen e vajit. Dihet që kripa nxjerr jashtë lëngjet, ndaj duke i mbushur poret sfungjerore të patëllxhanit me lëng, parandalohet dhe thithja e vajit.
Zhytini në qumësht
Kjo mënyrë ka të njëjtin qëllim si mënyrat e mësipërme: të mbushë strukturën poroze të patëllxhanit me qumësht dhe jo me vaj. Lërini për 1 ose 2 orë fetat apo kubet e patëllxhanit në qumësht./tesheshi.com/
