Shumë femra e konsiderojnë të dhimbshme dhe shumë të kushtueshme heqjen e qimeve në fytyrë dhe në një pjesë të madhe të rasteve nuk marrin rezultatet e dëshiruara. Sigurisht, disa prej metodave, si ato me laser, janë shumë efektive, por kanë efekte anësore të tepërta, për të mos folur pastaj për koston e trajtimit.
Më poshtë po ju paraqesim disa metoda tradicionale dhe tërësisht natyrale për të eliminuar qimet në fytyrë, në kushtet e shtëpisë dhe pa efekte anësore. Këto janë disa mënyra për të shpëtuar nga qimet në fytyrë, në mënyrë të përkohshme, jo përgjithmonë.
Soda e bukës
Kjo është një nga trajtimet që këshillohet të bëhet përpara se të shkoni në shtrat
Hidhni një lugë gjelle me sodë buke në 200 ml ujë të zier, përzieni dhe lëreni të ftohet. merrni një garzë apo një copë pambuk dhe lyejeni tek uji me sodë. Aplikojeni tek pjesa e qimeve në fytyrë dhe lëreni të veprojë gjatë gjithë natës.
Pasi të lani fytyrën me ujë, sigurohuni që të vendosni në të një krem hidratues në zonat problematike. Pas 2-3 trajtimesh do të vini re rezultatin. Qimet në fytyrë do të nisin të bien.
Jodi farmaceutik
Ju duhen: 40 ml alkool 70%, 1.5 ml amon, 2 ml jod, 10 ml vaj kastori dhe hidroksid 10%. Përzieni mirë përbërësit dhe lërini të veprojnë deri sa përzierja të mos ketë asnjë ngjyrë. Kjo përbërje duhet të aplikohet në lëkurë dhe në zonën problematike në mëngjes dhe në mbrëmje. Pas disa ditësh përdorim, qime do të nisin të bien.
Hudhra
Lani zonën problematike në fytyrë me lëng të freskët hudhre disa herë në ditë. Lëreni atë të veprojë për gjysmë ore, për të përfituar rezultatet maksimale. Më pas lani fytyrën me ujë të ngrohtë dhe aplikoni një krem zbutës./tesheshi.com/
