Si të dallojmë vajin e kokosit të papërpunuar nga ai i përpunuar (i cilësisë së fundit). Këto duhet t’i keni parasysh sa herë që të nxirrni paratë nga xhepi. Nuk ka rëndësi ku jetoni, në Shqipëri, Itali apo Francë, këto këshilla janë për të gjithë botën.
1- Vaji i kokosit i papërpunuar ka aromë dhe shije shumë natyrale e të këndshme, njësoj si arra e kokosit. Kokosi i përpunuar, pikërisht për shkak të përpunimit industrial humbet aromën, vlerat dhe shijen.
2 – Vaji i kokosit i papërpunuar, veçanërisht ai i prodhuar në temperaturë të ftohtë (prodhim specifik për vajrat kurativë), ka të gjitha vlerat që përmban edhe arra e kokosit. Vetë fakti që vaji i kokosit të papërpunuar nuk kalon në procese industriale apo kimike, lejon që vaji i kokosit i papëpunuar të ruajë të gjitha vlerat kurative dhe ushqyese. Vaji i përpunuar nuk ka asnjë vlerë terapeutike, kurative dhe ushqyese.
3 – Vaji i kokosit i papërpunuar përdoret si suplement ushqimor të përditshëm dhe ka vlera të mëdha kurative dhe ushqyese. Vaji i përpunuar, nuk përdoret si ushqim.
4 – Vaji i papërpunuar, cilësia e parë, ofrohet në paketim superior, vetëm në enë qelqi, e cila ruan higjienën maksimale të produktit. Po ashtu, qelqi ruan dhe vlerat natyrale të tij pasi e mbron produktin nga radikalet e lira. Cilësia e dobët ofrohet në paketim plastik apo në paketime të tjera jo higjienike dhe mbi të gjitha toksike.
5 – Vaji i cilësisë së parë gjendet me shumë vështirësi. Jo të gjitha dyqanet në botë që ofrojnë kokos e kanë të cilësisë së parë. Janë vende të veçanta ato që ofrojnë cilësi të parë. Edhe pse cilësia e parë kushton më shtrenjtë, është e vetmja mundësi që duhet të keni parasysh. Cilësia e fundit është gjithmonë lirë në çmim, por në fund të fundit pse të shpenzosh qoftë edhe 2 euro për një produkt që nuk ka asnjë vlerë!
6 – Ajo që është akoma më e rrallë, është vaji i kokosit pa konservantë. Të gjesh një produkt të tillë është nga gjërat më të vështira. Shumë pak dyqane në botë e japin këtë mundësi, pasi prodhuesve gjigant nuk u intereson dhe nuk u leverdis të humbasin tonelata të tëra prodhimi, prandaj u shtojnë atyre konservantë. Gjithmonë cilësia e dobët ka përmbajtje konservantësh, gjë që e bën akoma më të dobët si produkt, por jo vetëm të dobët. Konservantët e kthejnë atë në produkt toksik e të dëmshëm për shëndetin. Datat e gjata të skadencave duhen shmangur plotësisht. Sa më e afërt data e skadencës, aq më i preferueshëm dhe i lakmueshëm është produkti./tesheshi.com/
