Salca e bërë në shtëpi me domate të freskëta është gjithmonë nj alternativë shumë më e mirë se gjithë të tjerat që mund të gjeni në dyqane. Salca e domates është pjesë e çdo kuzhine nëpër botë. Ajo është themeluar fillimisht në Itali, ku përdorej me makaronat e tyre të famshme dhe karakteristike, e më pas është përdorur gjerësisht edhe në Meksikë, për të përgatitur ushqime të ndryshme nëpërmjet salcës enchilada.
Salca e domates është shumë më e shijshme dhe ndryshon tërësisht guston e pjatave si pica, makarona, mishit, apo edhe gjellës së përditshme. Ajo është e pasur me tretës si dhe me vitamina A e C. Për më shumë, domatet janë të pasura edhe me antioksidantë dhe fibra.
Për të bërë këtë salcë nevojiten domate të freskëta, hudhër dhe borzilok.
Koha e përgatitjes – 10 minuta
Koha e gatimit – 2 orë
Koha në total – 2 orë e 10 minuta
Përbërësit
5 kilogramë domate të freskëta, të cilat i prisni në kuba të vegjël, pasi tu keni hequr lëkurën
Një karrot (gjysma duhet hedhur brenda në salcë, e prerë në copa të vogla, ndërsa gjysma tjetër duhet hedhur në fund të vlimit dhe më pas duhet hequr siç është)
¼ e një gote çaji me vajë ulliri
3 qepë mesatare
Një tufë me gjethe borziloku, të prera në copa të vogla
Një degë rigon i freskët
2 gjethe dafinë
Një tufë majdanoz
Një lugë çaji me mjaltë
Një lugë çaji me kripë të bardhë
Përgatitja
Vendosni vajin e ullirit në një enë të thellë në një nxehtësi mesatare. Më pas shtoni qepët e prera hollë dhe më tej hudhrën. Lërini të kaurdisen për 6-8 minuta deri sa qepët të bëhen gjysmë transparente. Shtoni domatet, borzilokun, majdanozin, rigonin dhe kripën.
Lërini të ziejnë me zjarr të ngadaltë për 2-3 orë, deri sa salca të nisë të marrë një ngjyrë të errët. Shtoni një copë karotën 30 minutat e fundit për të absorbuar aciditetin e domates. Në fund hiqni karotën.
Sipas dëshirës, mund ta vendosni edhe në frigorifer, në temperaturë të ulët, pasi të jetë ftohur dhe ta përdorni edhe pas një jave apo disa ditësh./tesheshi.com/
